Xəbər verdiyimiz kimi, Ermənistan silahlı qüvvələrinin döyüş aktivliyinin qarşısını almaq, mülki əhalinin təhlükəsizliyini təmin etmək məqsədilə Azərbaycan Ordusunun komandanlığı tərəfindən qoşunlarımızın bütün cəbhə boyu əks-hücum əməliyyatı başlaması barədə qərar verilib.

BAXCP sədri, millət vəkili Qüdrət Həsənquliyev xalqımızı Ali Baş Komandanın, Ordumuzun ətrafında sıx birləşməyə çağırıb:

"Xalqımızın çoxdan gözlədiyi gün gəlib çatdı. Torpaqlarımızı işğaldan azad etmək üçün xalqımızı, harada yaşamasından və iqtidara münasibətindən asılı olmayaraq bütün soydaşlarımızı Ali Baş Komandanın, Ordumuzun ətrafında sıx birləşməyə çağırıram. Hər şey Vətən üçün, hər şey Qələbə üçün!"

Mənbə: moderator.az