“Rusiya Helikopterləri” 2020-ci ildə Azərbaycanda servis mərkəzi açmağı planlaşdırır

2020-ci ilin noyabrında Azərbaycanda Rusiya vertolyotlarının təmiri və texniki xidmət mərkəzinin açılması planlaşdırılır.

“Qafqazinfo” xəbər verir ki, bu barədə “Rusiya helikopterləri” holdinqinin baş direktoru Andrey Boqinski “RİA Novosti”yə bildirib.

“Bu ilin noyabrında Azərbaycanda texniki xidmət mərkəzimizin açılması ilə bağlı bir məsələmiz var, ancaq oktyabr ayında tərəfdaşlarımızla saatları sinxronlaşdırmalıyıq. Pandemiya əngəl olmasa, mərkəz bu il açılacaq. Problem yaranarsa, açılışı 2021-ci ilin birinci yarısına qədər təxirə salacağıq”,- deyə Boqinski qeyd edib.

Xatırladaq ki, “Rusiya helikopterləri” üçün xidmət mərkəzinin yaradılması barədə müqavilə 2019-cu ilin dekabrında imzalanıb. Mərkəzin Zabrat hava limanı ərazisində açılacağı bildirilib.

Qafqazinfo.az

ƏVVƏLKİ XƏBƏR

Ermənistan ordusunun alayı darmadağın edildi - RƏSMİ

SONRAKI XƏBƏR

Moskvada orta məktəblər koronavirusla əlaqədar ikihəftəlik tətilə çıxır