Çavuşoğlu: "Dağlıq Qarabağda sülh üçün əlimizdən gələni edəcəyik"

Eastnews.org-un verdiyi xəbərə görə, Ermənistanla hərbi gərginliyin yeni mərhələsində Azərbaycan Respublikasına dəstəyini təkrarlayan Türkiyə Xarici İşlər naziri Ankaranın Dağlıq Qarabağ bölgəsinə sülh gətirmək üçün əlindən gələni edəcəyini söyləyib.

Bu gün Türkiyənin Xarici İişlər naziri Mövlud Çavuşoğlu Azərbaycanla münaqişəni həll etmək üçün erməni qoşunlarının Dağlıq Qarabağ bölgəsindən çıxarılmasının vacibliyini təkrarlayıb:

"Həm döyüşdə, həm də danışıqlar masası arxasında azərbaycanlı qardaşlarımızla bir yerdəyik. Dağlıq Qarabağda sülh üçün əlimizdən gələni edəcəyik. Hamımız Gürcüstanın ərazi bütövlüyünü dəstəklədiyimiz kimi, Ermənistanın qanunsuz işğalına qarşı da Azərbaycanı dəstəkləməliyik. Biz Azərbaycanı dəstəkləməyə davam edirik və ölkələrimizin bir millət və iki dövlət olduğu düşüncəsi ilə bu mövzuda vəzifələrimizi yerinə yetirəcəyik. Bakının diplomatik münasibətləri olmayan ölkələrdə Azərbaycanın təmsilçisi kimi çıxış edəcəyik".

Mənbə: Mehr News Agency

Eastnews.org

ƏVVƏLKİ XƏBƏR

İran ərazisindən Ermənistana "Kamaz"ların hərəkətini təsdiqləyib

SONRAKI XƏBƏR

Emin Mahmudov: "Vətənə xidmət etməyə hazıram"