Bişkek müqaviləsi artıq əhəmiyyətini itirib - Zahid Oruc

“Prezident İlham Əliyevin dünən Rusiyanın telekanalında yayımlanan “60 dəqiqə” verilişində çıxışı ilə informasiya savaşında da uğurlu mövqe təqdim etdi”.

Modern.az-ın məlumatına görə, bunu Milli Məclisin bu gün keçirilən iclasında deputat Zahid Oruc deyib.

O bildirib ki, orada səslənən bütün fikirlər bizim üçün tezis olmalıdır:

“Orada 3-cü dövlətlərin də bu savaşda iştirakı məsələsinə toxunuldu. Azərbaycan Prezidentinin dünənki çıxışı onun siyasi və informativ savaşı da uğurla apardığını göstərdi. Azərbaycan Ordusu yeni hərbi siyasi reallıq yaradır. Bunun nəticələri Bişkekdə deyil, Şuşada olan müqavilə ilə nəticələnəcək. 1994-cü ildə imzalanan Bişkek müqaviləsi artıq əhəmiyyətini itirib. Şəhid adlarının verilməsi ilə bağlı parlament öz mövqeyini göstərməlidir. Cəmiyyətdə belə bir mövqe var ki, bizim qələbələrlə başlayan bu savaş şəhidlik və s kimi adlarla insanlardan çağırışlar var. Bu yanaşmaları da tribunaya gətirməklə xalqın səsinə səs vermiş olar. O cümlədən bu gün biz hamımız bu savaşın bir hissəsiyik, mediada, beynəlxalq ictimaiyyətdə və s.

Modern.az

ƏVVƏLKİ XƏBƏR

Makron Tramp və Putinlə Qarabağı MÜZAKİRƏ EDƏCƏK

SONRAKI XƏBƏR

Milli Məclisdə Azərbaycanın İsraildə səfirliyinin açılması təklif olunub –İrana etirazlar artır