Deputatlardan tələb: Azərbaycan İsraildə səfirlik açsın!

Milli Məclisin bugünkü iclasında deputatlar İrandan Ermənistana silah daşınmasını tənqid ediblər və Azərbaycanın İsraildə səfirlik açması təklifini irəli sürüblər.

Xalid Məmmədov, Sputnik Azərbaycan

BAKI, 30 sentyabr — Sputnik. Azərbaycanın İsraildə səfirlik açması təklif edilib.

Sputnik Azərbaycan xəbər verir ki, Milli Məclisin bu gün keçirilən iclasında deputatlar Sabir Rüstəmxanlı, Fəzail Ağamalı bu təkliflə çıxış ediblər.

Sabir Rüstəmxanlı İrandan Ermənistana silah daşınmasını tənqid edib.

Qeyd edək ki, İran Prezident Aparatının rəhbəri M.Vaezi bəzi kütləvi informasiya vasitələrində və sosial şəbəkələrdə İrandan Ermənistana hərbi yüklərin göndərilməsinə dair yayılmış məlumatları təkzib edib.

O vurğulayıb ki, yayılan məlumatlar əsassızdır. İran rəsmisinin sözlərinə görə, bu cür məlumatlar ölkəsi və Azərbaycan arasında əlaqələri korlamaq məqsədilə yayımlanır:

"Heç şübhəsiz Tehran və Bakı arasındakı strateji, yaxşı və hərtərəfli əlaqələrə bu kimi şayiələrin yayılması təsir etməyəcək və iki ölkənin əlaqələrini korlamaq istəyənlərin hərəkətləri heç bir nəticə verməyəcək".

Sputnik.az

ƏVVƏLKİ XƏBƏR

Erməni taborunun şəxsi heyəti müdafiə mövqelərini tərk edərək qaçır - RƏSMİ

SONRAKI XƏBƏR

“DQR”in müstəqilliyini tanıya bilərik – Paşinyan