Gürcüstan XİN: “Azərbaycanla sərhəd danışıqları mütləq davam etdiriləcək”

“Sərhədlərin delimitasiya və demarkasiyası üzrə Azərbaycan-Gürcüstan birgə komissiyası çərçivəsində danışıqlar mütləq davam etdiriləcək”.

“Report”un yerli bürosu xəbər verir ki, bu barədə Gürcüstanın xarici işlər naziri David Zalkaliani bildirib.

Nazir danışıqlar nəticəsində qarşılıqlı məqbul qərarın qəbul ediləcəyinə əminlik ifadə edib.

XİN başçısının sözlərinə görə, azərbaycanlı həmkarı Ceyhun Bayramovla Tbilisidə keçirdiyi birgə mətbuat konfransında Gürcüstanın danışıqları dərhal davam etdirməyə hazırlığına toxunub: “Komissiya tam yenilənib və biz danışıqların yeni mərhələlərinə hazır idik. Lakin pandemiya buna mane oldu. Bununla belə, komissiyada təmsil olunan bütün dövlət qurumları gündəlik olaraq işləyib və təhlillər aparıb”.

Realtv.az

ƏVVƏLKİ XƏBƏR

"Koronavirusa bir neçə dəfə də yoluxmaq olar" - Xəbərdarlıq

SONRAKI XƏBƏR

QARABAĞ SAVAŞINA DAHA BİR FƏRQLİ BAXIŞ:"Hədəf Tovuz, "Dəmir İpək Yolu" və TANAP-dır" - TƏHLİL