Şimali Kiprin yeni lideri məlum oldu

Son beş il ərzində Şimali Kipri idarə etmiş müstəqil namizəd Mustafa Akınçı seçkilərin ikinci turunda məğlub olub.

BAKI, 18 oktyabr - Sputnik. Şimali Kipr Türk Respublikasında prezident seçkilərinin ikinci turu keçirilib. Sputnik Azərbaycan-ın türk mediasına istinadən verdiyi xəbərə görə, seçkidə Milli Birlik Partiyasının namizədi Ersin Tatar qalib.

Şimali Kipr Ali Seçki Qurumunun sədri Narin Ferdi Şefikin bildirdiyinə əsasən, Tatar səslərin 51,74%-ni toplayaraq qalib olub, lakin bu son nəticələr deyil. Son nəticələr gecəyarısı elan olunacaq, lakin ümumən nəticə dəyişməyəcək.

Tatarın rəqibi hazırkı prezident Mustafa Akınçı 48,26%-ni toplayıb. O artıq Ersin Tatarı prezident seçilməsi münasbiəti ilə təbrik edib.

İlk turda Tatar səslərin 32,34%-ni, Akınçı isə 29,80%-ni toplamışdı.

Şimali Kipr Türk Respublikası 1974-cü ildə qurulandan bəri 10-cu dəfə prezident seçkiləri keçirilir. ŞKTC-də prezident 5 illik müddətə seçilir.

Sputnik.az

ƏVVƏLKİ XƏBƏR

Strasburqda Azərbaycana dəstək aksiyası keçirilib (FOTO)

SONRAKI XƏBƏR

Dostu üzünə durdu, şərlənərək həbs olundu, yaddaşını itirdi... - Məşhur yazıçımızdan maraqlı faktlar