Belarus Prezidenti Aleksandr Lukaşenko bəyan edib ki, ölkədəki neft emalı zavodları Belarusun əsas valyuta gəlir mənbəyi olsa da, onlar özəlləşdirilməyəcək.

Cebhe.info xəbər verir ki, bu barədə BELTA məlumat yayıb.

Məlumata görə, A.Lukaşenko bu sözləri Andrey Soykonu "Naftan" zavoduna baş direktor təyin edərkən deyib.

Lukaşenko vurğulayıb ki, "Naftan"ı özəlləşdirmək istəyən rüşvətxorlar var.

"Lakin biz heç kimə, hətta özəl investorlara belə, imkan verməyəcəyik ki, neft emalı zavodlarını özəlləşdirsinlər. Neft bazarındakı çətinliklər də mənim mövqeyimi dəyişməyəcək",-deyə Belarus lideri vurğulayıb.

Sevinc Tapdıqqızı
Cebhe.info

 

Mənbə: cebhe.info