Tehranın Bakıya şübhəli yanaşmasının səbəbini Azərbaycan-İsrail isti münasibətlərində axtaranlar ya cahildirlər, ya da ən azı səmimi deyillər.

İsrail Azərbaycana siyasi və hərbi dəstək verir. Digər yandan, yəhudi lobbisi olmasaydı, hazırda Azərbaycanı asıb-kəsən qlobal media çoxdan bizi basdırmışdı.

Amma İsrail faktoru İran üçün bəhanədir, molla rejiminin qarnının ağrısı başqadır. Anlayırlar ki, Qarabağı qaytaran Azərbaycan güclənəcək və vaxt gələcək gözü hazırda Tehrana baxan təbrizli, ərdəbilli, urmulu, miyanəli, marağalı qardaş-bacılarımız üzünü Bakıya çevirəcək.

Mollalara bir şeydə “sağ ol” deyə bilərik ki, İrəvanı dəstəkləməklə münaqişəni müsəlman-xaçpərəst davası kontekstindən çıxarırlar.

Fars rejiminin yalançı ümmətbazlığı, qatı millətçiliyi, qeyri-farslara yuxarıdan aşağı baxmaları və İkinci Qarabağ Savaşı zamanı qeyri-dostyana davranışları, boynuyoğun generalların gizli-açıq hədələri Güneyin səbrini daşdırır. Biz yox, özləri səbəb yaradırlar. Sabir demişkən:

 

Nə üçün kişvəri-İran

Olur şəxsiyyətə qurban?

Məgər bayquş sevir viran

Və ya tale zəbun oldu?

 

Qeyri-rəsmi məlumatlara əsasən (İran qapalı cəmiyyətdir, rəsmi məlumatlarına etibar yoxdur, əhalinin siyahıya alınmasında etnik mənsubiyyət nəzərə alınmır),

İran əhalisinin sayı:— 81 500 000 nəfər:

farslar – 31 milyon

Azərbaycan türkləri – 33 milyon

bəluclar – 4,5 milyon

kürdlər – 4 milyon

talış, gilanlı və mazəndranlılar – 5 milyon

türkmənlər – 1,5 milyon

ərəblər – 1,5 milyon.

ermənilər- 500 min

 

 

Mənbə: turkustan.info