Keçən həftə məhkəmənin anadangəlmə qüsur hallarında belə abort etməyi qadağan edən qərarına qarşı etiraz yürüşü keçirən Polşa işçiləri çərşənbə günü tətil edəcəklərini elan ediblər.

Yerli mediada yer alan xəbərlərdə bildirilir ki, ölkənin hər yerində həm kişi, həm də qadın işçilər etirazları dəstəkləmək üçün tətilə çıxıb.

Şimal-qərbdəki Poznan şəhəri və mərkəzi Lodz şəhərlərinin merləri də daxil olmaqla bəzi rəsmilər etirazlara Twitter hesablarından dəstək verib.

Tələbələr şimaldakı Qdansk və Polşanın cənub mərkəzindəki Krakovda böyük nümayişlər təşkil edib.

Konstitutsiya Məhkəməsi ölkədə abortun son hüquqi seçimlərini ləğv edərək yalnız zorlama və ailə üzvləri arasında cinsi əlaqə olduğu halda aborta icazə verib. Məhkəmənin qərarı bütöv əhalisinin mütləq əksəriyyəti katolik olan ölkə boyunca etiraz dalğasına təkan verib.

Ümummilli tətil son bir həftədir davam etiraz aksiyalarının əsas təşkilatçıları olan Qadınların Tətili adlı təşkilat tərəfindən çağırılıb. Tətil iştirakçıları Polşanın mühafizəkar hökuməti ilə qarşıdurmadan geri çəkilməyəcəklərinə söz veiblər.

Mənbə: www.amerikaninsesi.org