Qarabağdan daşınan silahlar hara gedir? - Korotçenko

Ermənistanın Milli Təhlükəsizlik Xidməti son günlər “dqr”dən Ermənistana qanunsuz silah daşınması hallarını aşkar edib. Bir neçə həftədir ki, silah transferi başlayıb.
OperativXeber.Az bildirir ki, bu sözləri rusiyalı hərbi ekspert İqor Korotçenko öz Teleqram hesabında yazıb.
Ekspert silah transferinin terror aktlarında rol oynayacağını deyib:
“Burada ən təhlükəli məqam “dqr ordusu”ndakı “Kalaşnikov” avtomatlarından başqa, qaçaqmalçılıq yolu ilə daşınan zenit-raket komplekslərinin erməni cinayətkar qruplarının əllərinə düşmə ehtimalıdır. Bu silaha beynəlxalq terror təşkilatlarında kifayət qədər tələbat var. Qarabağdan Ermənistana qanunsuz silah-sursat göndərilməsi üzrə fəaliyyətə başlayan kanal zenit-raket komplekslərinin beynəlxalq terrorçuların əlinə düşməsinə və onların mülki avialaynerlərə qarşı terror aktlarının törədilməsi üçün istifadə olunmasına səbəb ola bilər”.
Ekspertin sözlərinə görə, bu halda Paşinyan hökuməti baş verənlərə görə siyasi və hüquqi məsuliyyət daşıyacaq.
 

Operativxeber.az

ƏVVƏLKİ XƏBƏR

Azərbaycanda yaxın aylarda Ani Ödənişlər Sisteminin mobil əlavəsi və internet səhifəsi istifadəyə veriləcək

SONRAKI XƏBƏR

Cəbhədən iki yaxın adamının xəbərini alan deputat: “Oğlu dedi ki, atasının qisasını alacaq” - Bizim əsgər