Nəhayət ki, bu iki təşkilat ermənilərin müharibə cinayəti törətdiyini etiraf etdi – Hüquq müdafiəçisi

 

“Amnesty International” və “Human Rights Watch” təşkilatlarının Bərdə şəhərinə qadağan olunmuş kasetli silahlardan istifadə edilməklə zərbələr endirilməsini təsdiqləməsi yaxşı haldır. Nəhayət ki, onlar bu məsələyə münasibət bildirdilər və bunu etiraf etdilər.

Bunu Teleqraf.com-a açıqlamasında hüquq müdafiəçisi Novella Cəfəroğlu deyib.

O qeyd edib ki, təmsil olunduğu Hüquq-Müdafiə Təşkilatlarının Monitorinq Qrupu bir müddət öncə sözügedən təşkilatlara məktubla müraciət etmişdi:

“Yazmışdıq ki, müxtəlif insanlar müxtəlif məsələlərə görə həbs ediləndə siz dərhal bizim üstümüzə necə deyərlər, hücum çəkirsiniz. Bəs necə olur ki, bu qədər dinc, silahsız, mülki şəxs öldürülür, ancaq buna münasibət bildirmirsiniz. Artıq onların bu istiqamətdə bəyanat verməsi dünya ölkələrinin bu məsələlərə ayrı cür yanaşmasına səbəb olacaq. Ən azı biz buna ümid edirik. Bəlkə bundan sonra mülki insanların, o cümlədən qadın və uşaqların həlak olmasının, əhaliyə maddi ziyan dəyməsinin, infrastrukturun dağıdılmasının qarşısı alına”.

Novella Cəfəroğlu qeyd edib ki, ermənilərin hərəkətləri nasistlərin hərəkətləri ilə eyniyyət təşkil edir:

“Nasist Almaniyasında insanlıq əleyhinə törədilən cinayətlər bu gün ermənilər tərəfindən azərbaycanlılara qarşı törədilir. Səhərdən axşamadək türk düşmənçiliyi aşılayıblar. Onların hamısının öldürülməli olduğunu bildriblər. Bu istiqamətdə o qədər yalançı təbliğat aparıblar ki, axırda özləri də inanıblar. Beləliklə, özləri öz beyinlərini yuyublar. Türk sözü eşitdikdə sanki onların başına qaynar su tökülür. Əvvəl Köçəryan-Sərkisyan cütlüyü, indi isə Paşinyan öz xalqını faciəyə gətirib çıxarıb. Bu onlarda artıq psixi xəstəlik şəklini alıb. Bunlar hamısı pxisi xəstədirlər. Necə olur ki, faşist Almaniyası yəhudilərin, rusların başına bu qədər oyun açdı, ancaq müharibədən cəmi bir neçə il sonra münasibətlər düzəldi. Çünki hazırkı alman xalqı əvvəlkiləri inkar edir, onların faşist olduğunu deyir. Ermənilər isə əvvəlki faşist rəhbərliyi, faşizm ideologiyasını inkar etmir. Bu ideologiyanı yaşadırlar və beləliklə özlərini dəli olmaq vəziyyətinə gətirib çıxarıblar. Odur ki, onların vəziyyəti qat-qat ağırıdır və ağır olmağa davam edəcək”.

Teleqraf.com

ƏVVƏLKİ XƏBƏR

Hansı ölkədə yaşamağımızdan asılı olmayaraq... “Rus-Azərbaycan evi” regional təşkilatının sədri Mayis Məmmədov Prezident İlham Əliyevə yazdı...

SONRAKI XƏBƏR

Balasanyan Paşinyandan nə istəyib?