Paşinyan cangüdənlərinin sayını artıraraq mühafizəsini gücləndirdi - Video

Ermənistanın baş naziri Nikol Paşinyan və xanımı Anna Akopyan Müqəddəs Eçmiadzin kilsəsinə xeyli sayda mühafizəçinin müşayiəti ilə gedib.

Bu barədə "Report" Ermənistan mətbuatına istinadən xəbər verir.

Baş nazirin gözlənilmədən mühafizəçilərinin sayını xeyli artırması yerli mətbuatın diqqətini cəlb edib. KİV bildirib ki, Paşinyan və xanımı kilsənin ərazisinə girən kimi mühafizəçilər onun qapılarını bağlayıblar.

Qeyd edək ki, Ermənistan müxalifəti artıq bir neçə gündür ölkə hakimiyyəti əleyhinə kütləvi etiraz aksiyaları keçirir. Paytaxt Yerevan və digər şəhərlərdə keçirilən aksiyalarda etirazçılar Paşinyanın hakimiyyət komandasının istefasını tələb edirlər. Akasiyalar zamanı hökumət rəsmilərindən bir neçəsi, eləcə də etirazçılar xəsarət alıb.

 

Bizimyol.info

ƏVVƏLKİ XƏBƏR

Minskdə etiraz aksiyaları zamanı 200-dən çox adam saxlanılıb

SONRAKI XƏBƏR

Oğluna Polad Həşimovun adını verən qəhrəman qazimiz evinə döndü - VİDEO