Ərdoğan və Putin Qarabağ məsələsini müzakirə etdilər

Türkiyə Prezidenti Rəcəb Tayyib Ərdoğanla Rusiya Prezidenti Vladimir Putin arasında telefon danışığı baş tutub.

Bu barədə “Haber Global” məlumat yayıb.

Telefon danışığı zamanı Türkiyə ilə Rusiya arasındakı ticarət həcminin artırılması başda olmaqla ikitərəfli münasibətləri inkişaf etdirəcək addımlarla yanaşı Dağlıq Qarabağ, Suriya və Liviyadakı hadisələr müzakirə olunub.

Türkiyə Prezidenti Rəcəb Tayyib Ərdoğan söhbət zamanı atılan Dağlıq Qarabağdakı problemi həll etməyə və regiona davamlı əmin-amanlıq gətirməyə hesablanmış addım çərçivəsində müşahidə və yoxlama məqsədilə Türkiyənin Rusiya ilə quracağı birgə mərkəzin ən qısa zamanda fəaliyyətə başlamasını gözlədiyini ifadə edib.

Azərbaycanın torpaqlarının bütünlüklə qaytarılması barədə həssaslığına işarə edən Prezident Ərdoğan, tətbiqetmə prosesində Ermənistan tərəfinin davamlı həlli çətinləşdirməsinə və anlaşma barədə məsuliyyətlərindən qaçmasına icazə verilməməsinin zəruriliyini vurğulayıb.

Prezident Ərdoğan Minsk Qrupunun digər həmsədrlərinin sülh cəhdlərini tənqid etməsini başa düşməyin mümkün olmadığını dilə gətirib.

Yenisabah.az

ƏVVƏLKİ XƏBƏR

Moskvada yaşayan Azərbaycanlı iş adamı zabitimizin kredit borcunu bağladı - Foto

SONRAKI XƏBƏR

Azərbaycanın 4 idmançısı dopinqə görə cəzalandırıldı - SİYAHI