Nikol Paşinyan iqtidarının əsas sponsoru sayılan Soros Fondunun İrəvan ofisinin fəaliyyətinin yoxlanılması tələb edilir.

Yenicag.az yerli mediaya istinadən xəbər verir ki, bu tələb Ermənistanın “Sosial ədalət naminə” partiyasının sədri Arman Qukasyan tərəfindən irəli sürülüb.

Qukasyanın sözlərinə görə, Ermənistanda 1997-ci ildən etibarən fəaliyyət göstərən Soros Fondu 2018-ci il “məxməri çevriliş”indən sonra artıq ölkənin hakimiyyət strukturuna da yol tapıb.

Partiya sədri bildirib ki, ölkədə fəaliyyət göstərən NED və digər beynəlxalq təşkilatlar da Soros Fondu ilə eyni missiyanı həyata keçirirlər.

O, bu təşkilatların ölkənin daxili işlərinə müdaxiləsinə son qoymaq üçün Soros Fondunun son onilliklərdəki fəaliyyətinin yoxlanılmasına çağırıb.

Mənbə: yenicag.az