Makronla Putin arasında nə baş verir: KİV-ə sızdırılan gizli danışıqlar (ŞƏRH)

Makronla Putin arasında nə baş verir: KİV-ə sızdırılan gizli danışıqlar (ŞƏRH)

"Fransa yalnız Azərbaycana qarşı siyasət yürütmür. Fransa-Rusiya münasibətlərində də ciddi qalmaqal yaşanır. Doğrudur, Avropa İttifaqının əsas dövlətlərindən biri kimi Fransanın da Rusiyaya qarşı sanksiyaları mövcuddur. Ancaq bu, Moskvanı az narahat edir, Kreml sanksiyalara öyrəşib. Kremli Parisin siyasətində nazarı salan başqa faktdır”.

Qaynarinfo xəbər verir ki, bu sözləri politoloq Elxan Şahinoğlu Rusiya ilə Fransa arasındakı münasibətləri şərh edərkən bildirib.

Onun sözlərinə görə, Minsk Qrupunun həmsədr ölkələrinin ikisinin arasında yaşanan gərginlik Fransa Prezidenti Emmanuel Makrondan qaynaqlanır:

"Fransanın "Challenges” nəşrində Rusiya və Fransa prezidentləri Vladimir Putinlə Emmanuel Makron arasında noyabrın 7-də baş tutan son telefon söhbətinin detalları yayınlanıb. Telefon söhbətində Kreml sahibi Makrondan Rusiyanın koronavirusa qarşı icad etdiyi "Sputnik V” peyvəndinin kütləvi istehsalına kömək etməyi xahiş edib. Makron Putinə cavabında deyib ki, bu məsələni gərək fransalı alimlərlə müzakirə etsin.

 

İki prezident arasında konfidensial telefon danışığının məzmunu Fransa mətbuatı tərəfindən ikinci dəfədir ki, yayınlanır. Prezidentlər arasında sentyabrın 14-də də telefon danışı olmuşdu. Həmin telefon danışığının məzmununu isə Fransanın məşhur "Le Monde” qəzeti yayınlamışdı. Həmin telefon danışığında da Makron Navalnının zəhərlənməsi məsələsinə Putinin aydınlıq gətirməsini istəmişdi. Putin isə telefon söhbətində Navalnını sadəcə qalmaqallı bloger adlandırmış, onu özünü hər dəfə xəstəliyə vurduğunu demişdi.

Kreml ondan narazıdır ki, Fransanın hakim dairələrində Rusiya-Fransa münasibətlərini gərginləşdirmək istəyən qüvvələr var və məhz həmin qüvvələri iki prezident arasında konfidensial danışıqların məzmunun hər dəfə mətbuata ötürürürlər.

Fikrimcə, Makronun icazə olmadan Fransa hakimiyyəti içərisində kimsənin Putinlə gizli danışğın məzmunun mətbuata ard-arda ötürməsi mümkün deyil. Əks halda Makron özü də Putin kimi narahat olmalı idi ki, kimlər onun telefon danışığını dinləyir və mətbuata ötürür. Fransa prezidentinin isə yayınlanan yazılar vecinə də deyil. Deməli, bu işin başında elə Makronun özü dayanır və bunu Putin də anlayır. Makron bu yolla Fransa cəmiyyətinə mesaj göndərir ki, o Fransada və Avropada bəyənilməyən Putinlə sərt dildə danışır və Putinin xahişlərini yerinə yetirmir. Çətin ki, Putin bundan sonra Makronla telefon danışığında ürəyini boşaltsın, növbəti telefon danışığı "nə var, nə yox, necəsən” kəlməsindən uzağa getməyəcək”.

Orxan Əhmədli

Mənbə: qaynarinfo.az