"Qarabağ Azərbaycandır!" indi həm də Şimali Karolinada FOTO

ABŞ-ın Şimali Karolina ştatının Roli şəhərində əsas yol qovşağına “Karabakh is Azerbaijan” ("Qarabağ Azərbaycandır!") bilbordu yerləşdirilib.

"Report" xəbər verir ki, nəhəng lövhə bu ştatda yaşayan azərbaycanlıların təşəbbüsü və Diasporla İş üzrə Dövlət Komitəsinin dəstəyi ilə qoyulub. İdeyanın müəllifi, informasiya texnologiyaları üzrə elmlər doktoru, Şimali Karolina Azərbaycan Cəmiyyətinin fəalı Adika İqbaldır.

Azərbaycanın ərazi bütövlüyünün, üçrəngli, ay-ulduzlu bayrağının təsvir olunduğu bilbordda Ermənistanın Azərbaycana təcavüzü ilə bağlı BMT Təhlükəsizlik Şurası tərəfindən 1993-cü ildə qəbul edilən 822, 853, 874, 884 saylı qətnamələr xatırladılıb, Qarabağ həqiqətlərinin əks olunduğu www.virtualkarabakh.az saytı yazılıb və “Karabakh is Azerbaijan” ("Qarabağ Azərbaycandır!") şüarı yer alıb.

Xatırladaq ki, artıq bir neçə aydır ABŞ-ın bir çox böyük şəhərlərində mərkəzi yolların və körpülərin üzərində “Qarabağ Azərbaycandır!" bannerləri nümayiş etdirilir.

Virtualaz.org

ƏVVƏLKİ XƏBƏR

Gürcüstanda milli valyutanın dəyər itirməsi dövlət borcunun artmasına səbəb olub

SONRAKI XƏBƏR

Ramos Makqreqora döyüş təklif etdi