ABŞ prezidenti Donald Tramp internet şirkətlərini istifadəçilər tərəfindən yerləşdirilən materiallara görə məsuliyyət daşımalarından qoruyan qanunun ləğv edilmədiyi təqdirdə böyük müdafiə xərclərinə və siyasət qanun layihəsinə veto qoymaqla hədələyir.

Tramp Milli Müdafiə Səlahiyyət Qanununa (NDAA) veto qoymaqla bağlı təhdidini çərşənbə axşamı tvitter səhifəsində yayıb. Təhdid 740 milyard dollarlıq qanun layihəsinin Senat və Nümayəndələr Palatası tərəfindən təsdiqlənən iki fərqli versiyanı birləşdirməsi üçün komitənin əlində olduğu bir vaxta təsadüf edir.

Prezident 230-cu Seksiya kimi tanınan internet şirkətləri ilə əlaqəli “korporativ rifah” forması qanununu “Milli Təhlükəsizlik və Seçki Dürüstlüyü üçün ciddi bir təhdid” adlandırıb.

Həm Demokrat, həm də Respublikaçı partiyalarından olan millət vəkilləri 230-cu Seksiyanı tam ləğv etməkdənsə dəyişdirməyə çağırır.

Google, Facebook, Twitter, Amazon və Reddit kimi texnoloji şirkətləri təmsil edən İnternet Birliyinin rəhbəri Con Berroya Trampın veto təhdidinə cavab olaraq seksiyanın ləğv edilməsinin özünün milli təhlükəsizliyə təhdid olduğunu deyib.

Berroya "qanunun terror platforması və dezinformasiya daxil olmaqla, zərərli və təhlükəli məzmunu aradan qaldırmaq üçün onlayn platformaları gücləndirir" deyib.

Tramp və digər mühafizəkarlar Facebook və Twitter kimi şirkətlərin heç bir dəlil irəli sürmədən mühafizəkar məzmunlu şərhləri boğmaqda günahlandırır.

Mənbə: www.amerikaninsesi.org