Azərbaycanın müharibədəki uğuru Britaniyaya ordunun inkişafı üçün nəyə yatırım etmək lazım olduğunu göstərdi - UK Defense Journal

Azərbaycanın Dağlıq Qarabağdakı uğuru Böyük Britaniyaya ordunun inkişafı üçün nəyə yatırım etmək lazım olduğunu göstərdi.

Trend-in məlumatına görə, bu barədə "UK Defense Journal" agentliyinin dərc etdiyi məqalədə deyilir.

Məqalədə qeyd olunur ki, Azərbaycan Dağlıq Qarabağdakı müharibədə erməni qoşunları üzərində heyrətamiz qələbə qazandı, onun hərbi strategiyası isə çətin keçilən dağlıq ərazidə çox səmərəli oldu:

"Azərbaycan ordusu çox peşəkar ordudur və işğal olunmuş ərazilərin, o cümlədən strateji vacib Şuşa şəhərinin azad edilməsində aparıcı rol oynayıb. Amma ən güclü amil Azərbaycanın texnoloji gücü olub".

Məqalədə vurğulanır ki, son məlumatlara əsasən, Böyük Britaniyan Müdafiə Nazirliyi Azərbaycanın TB2 pilotsuz uçuş aparatlarını uğurla istifadə etməsindən sonra PUA proqramını genişləndirmək niyyətindədir.

Trend.az

ƏVVƏLKİ XƏBƏR

Tesla dizayner axtarır - Nə az, nə çox, 20 illik təcrübə tələb olunur

SONRAKI XƏBƏR

Vətən müharibəsində əhaliyə, infrastruktura və sahibkarlıq obyektlərinə dəyən ziyanın məbləği açıqlandı