Tramp Baydenə məktub yazıb

Bir neçə saatdan sonra ABŞ Prezidenti kimi səlahiyyətləri başa çatacaq Donald Tramp ənənəyə uyğun olaraq dövlət başçısı postunda onu əvəzləyəcək Cozef Baydenə məktub yazıb.

“Qafqazinfo” bildirir ki, bu barədə “CNN” telekompaniyası Ağ Evdəki mənbələrinə istinadən xəbər verib.

Ehtimala görə, 45-ci Prezident yazdığı kiçik məktubu Oval kabinetdəki iş masasının yuxarı yeşiyinə qoyub. Məktubun məzmunu hələlik məlum deyil. Trampın xanımı Melanya isə öz növbəsində gələcək birinci xanım Cill Baydenə “qısa salamlama məktubu” yazıb.

Qeyd edək ki, Trampla xanımı Baydenin inauqurasiyasını gözləmədən səhər saatlarında Ağ Evi tərk edərək Floridaya yollanıb.

Qafqazinfo.az

ƏVVƏLKİ XƏBƏR

ABŞ-da andiçmə günü partlayış təhlükəsi…

SONRAKI XƏBƏR

Fransada məhkumlar həbsxananı yandırdılar