Rusiya turistlərinə müntəzəm saxlanılmalar səbəbindən Ermənistana səfərlərdən imtina etmək tövsiyə oluna bilər.
Bu barədə Rusiya Federasiya Şurasının sədri Valentina Matviyenko Ermənistan Milli Məclisinin sədri Ruben Rubinyanla telefon danışığında bildirib.
O qeyd edib ki, Ermənistanda rusiyalıların üçüncü ölkələrin sorğusu ilə saxlanılması sistemli xarakter almağa başlayıb.
"Belə təcrübə davam edəcəyi təqdirdə Rusiya öz turistlərinə respublikaya səfər etməməyi tövsiyə etməyə məcbur olacaq", - deyə Matviyenko bildirib.
Bundan əlavə, tərəflər parlamentlərarası qarşılıqlı fəaliyyəti, eləcə də humanitar və mədəni əməkdaşlığı müzakirə ediblər.
Hüseyn İbadlı
Mənbə: publika.az
scorpion.az