Qarabağdakı sülhməramlılarla bağlı SON MƏLUMAT

Dağlıq Qarabağ ərazisində xidmət edən Rusiya sülhməramlı kontingenti tapşırıqları yerinə yetirməyə davam edir.

Publika.az xəbər verir ki, bu barədə Rusiya Müdafiə Nazirliyinin gündəlik hesabatında bildirilir.

Qeyd olunur ki, son sutkada 131 erməni Ermənistandan Dağlıq Qarabağa qayıdıb. Bununla da 14 noyabr 2020-ci ildən bəri, ümumilikdə 50 min 521 nəfər Dağlıq Qarabağdakı yaşayış yerlərinə geri dönüb.

Rus sülhməramlıları ermənilərin yaşayış yerlərinə təhlükəsiz şəkildə qayıtmasını və mülki infrastrukturun bərpasını təmin edir və əhaliyə humanitar yardım göstərir.

Onlar 27 müşahidə məntəqəsində gecə-gündüz vəziyyəti izləyir və atəşkəs rejiminə əməl olunmasına nəzarət edir.

Atəşkəs bütün təmas xəttində müşahidə olunur.

Humanitar Minatəmizləmə Mərkəzinin minalardan təmizlənməsi qrupları Dağlıq Qarabağ ərazisini minalardan təmizləməyə davam edir.

Rusiya sülhməramlı kontingentinin məsuliyyət zonasında baş verə biləcək hadisələrin qarşısını almağa dair səyləri əlaqələndirmək üçün Azərbaycan və Ermənistan silahlı qüvvələrinin baş qərargahları ilə davamlı qarşılıqlı əlaqə saxlanılır.

Zümrüd

Publika.az

ƏVVƏLKİ XƏBƏR

KOBİA və TÜMKİAD arasında anlaşma memorandumu imzalanıb (FOTO)

SONRAKI XƏBƏR

Gürcüstanda dövlət dəstəyi ilə Marneulidə yeni - Ferma Açılıb