Nikol Paşinyanın diplomatik pasportu oğurlanıb

Ermənistanın baş naziri Nikol Paşinyanın diplomatik pasportu ötən ilin 10 noyabrında ölkə hökumətinin binasına soxulan şəxslər tərəfindən oğurlanıb.

Open.az xəbər verir ki, bu barədə Ermənistanın Xarici İşlər Nazirliyinin mətbuat katibi Anna Naqdalyan "Armenpress" agentliyinə bildirib.

Hökumət binasından ümumilikdə 14 diplomatik pasport oğurlanıb, onların hamısı etibarsız hesab edilib.

"Bu pasportlar arasında baş nazirin də diplomatik pasportu vardı", - Naqdalyan deyib.

Noyabrın 10-da Azərbaycan, Rusiya və Ermənistan liderləri Dağlıq Qarabağda atəşin dayandırılması haqqında birgə bəyanat qəbul ediblər. Bəyanatın elan olunmasından sonra Ermənistanda kütləvi iğtişaşlar baş verib. Minlərlə insan hökumət binalarına soxularaq talanlar, dağıntılar törədib.

Open.az

ƏVVƏLKİ XƏBƏR

Şuşa istiqamətində döyüşlərdə şəhadətə yüksələn igidimiz - VİDEOREPORTAJ

SONRAKI XƏBƏR

"Barselona" oyunçuların maaşını ödəmir