ABŞ-ın sabiq vitse-prezidenti Mayk Pens vəzifə səlahiyyətlərini başa vurub İndiana ştatına qayıtdıqdan sonra evsiz qalıb.

101.az-ın məlumatına görə, M.Pens həyat yoldaşı ilə birgə qardaşının Kolambus şəhərindəki evində qalır.

Qeyd olunur ki, 61 yaşlı sabiq vitse-prezidentin özünə məxsus evi yoxdur.

O, əvvəllər İndiana ştatının qubernatoru olarkən iqamətgahda yaşayıb, daha sonra Vaşinqtonda Ağ evə köçüb.

Hələlik, M.Pensin işsiz olduğu da deyilir. Onun yaxın zamanlarda Miçiqan ştatındakı Hillsdeyel kollecində və ya Virginiya ştatındakı Liberti Universitetində işə başlayacağı gözlənilir.

 

Mənbə: 101.az