“Bəzi media orqanlarında və sosial şəbəkə hesablarında “Azərbaycanda Türkiyə bayrağının endirilməyə çalışıldığı” barədə yayılan iddialar dezinformasiya xarakteri daşıyır”.
Bu barədə Türkiyənin Dezinformasiya ilə Mübarizə Mərkəzi məlumat yayıb.
Bildirilib ki, sözügedən görüntülər köhnə tarixə aiddir. Həmin görüntülərin çəkildiyi dövrdə Türkiyə bayrağına qarşı mənfi hərəkət etməyə çalışan təxribatçıya ilk və ən sərt reaksiyanı məhz azərbaycanlılar göstəriblər. Bayrağın endirilməsi kimi bir hadisə baş verməyib.
Mərkəzdən qeyd olunub ki, köhnə görüntüləri montaj edərək, kontekstdən çıxarıb yeni hadisə kimi təqdim edənlər Türkiyə ilə Azərbaycan arasındakı dostluq və qardaşlıq münasibətlərini hədəf alırlar.
İctimaiyyətdən bu cür informasiya manipulyasiyalarına qarşı həssas və diqqətli olmaq xahiş edilib.
Mənbə: bizim.media
scorpion.az