Dünən Nikol Paşinyan İrəvanda Respublika meydanında “məxmər”in bitdiyini bəyan edəndə güc strukturlarında nəfəslərini tutub saxlayaraq gözləyirdilər ki, Ermənistan Silahlı Qüvvələrinin Baş Qərargah rəisini, müavinləri, generalları və polkovnikləri həbs etmək qərarlarını nə zaman alacaqlar. Ordu.az xəbər verir ki, bu barədə Ermənistanın “Joğovurd” nəşri yazıb.

Nəşr güc strukturlarındakı mənbələrindən aydınlaşdırıb ki, həm Ermənistan prokurorluğundan, həm Ermənistan İstintaq Komitəsindən, həm də Milli Təhlükəsizlik Xidmətindən Ermənistan hökumətinin elçilərinə hər hansı qanunsuz əmrə tabe olmayacaqlarını aydın şəkildə başa salıblar.

“Üstəlik, izah ediblər ki, hərbi vəziyyət şəraitində hər hansı halda Onik Qasparyanı və ya hər hansı başqa hərbçini həbs etməyəcəklər, həbs üçün vasitəçilik etməyəcəklər. Buna görə də Ermənistan hökuməti başa düşüb ki, güc strukturlarından az-çox yalnız Ermənistan polisi onların nəzarəti altında qalıb, lakin polis də hərbçiləri həbs etmək hüququna sahib deyil, hərbi polis də çətin ki, bu cəsarətə getsin”, - deyə nəşr yazır.

Alpər Mövludoğlu
Ordu.az

Mənbə: ordu.az