Hindistana məxsus təyyarə Pakistanda təcili eniş edib

Hindistanın “IndiGo” özəl şirkətinə məxsus təyyarə gecə saatlarında Pakistanın Kəraçi şəhər hava limanına təcili eniş edib.

AZƏRTAC Hindistan KİV-lərinə istinadla xəbər verir ki, Birləşmiş Ərəb Əmirliklərindən Hindistanın Laknou şəhərinə uçan təyyarədə sərnişinin halının qəflətən pisləşərək özündən getməsi səbəbindən hava gəmisinin Kəraçi şəhərindəki aeroporta enməsinə qərar verilib.

Aviasiya şirkətinin məlumatına əsasən, təyyarə Kəraçiyə enəndən sonra hava limanının tibbi heyəti sərnişini müayinə edərkən onun artıq öldüyünü aşkarlayıblar.

Təyyarə daha sonra havaya qalxaraq Laknau şəhərinə uçub.

 

Şahin Cəfərov

AZƏRTAC-ın xüsusi müxbiri

Pekin

Mətndə səhv varsa, onu qeyd edib ctrl + enter düyməsini basaraq bizə göndərin

Azertag.az

ƏVVƏLKİ XƏBƏR

Rəsmi Tokio Karlos Qonun məhkəmə prosesinin Yaponiyada təşkil edilməsinə çalışır

SONRAKI XƏBƏR

Milli Məclisdə şəhidin ailə üzvləri, müharibə iştirakçıları və idmançılarla görüş olub