Gürcüstan Türkiyəyə başsağlığı ünvanladı

Gürcüstan Türkiyəyə başsağlığı ünvanladı

Gürcüstanın xarici işlər naziri David Zalkaliani hərbi helikopter qəzasında həlak olanlarla bağlı türkiyəli həmkarı Mövlud Çavuşoğluna başsağlığı verib.

“Report”un yerli bürosunun məlumatına görə, XİN başçısı bu barədə özünün tvitter hesabında yazıb. O, hadisədən kədərləndiyini bildirib.

“Tatvan rayonunda baş vermiş qəza ilə bağlı dərin hüznlə başsağlığı verirəm. Düşüncələrimiz və dualarımız faciə qurbanları və yaxınlarını itirənlərlədir. Yaralıların tezliklə sağalmasını diləyirəm”, - o yazıb.

Mənbə: azpolitika.info