Suriyanın «Zaman Al-Wasl» xəbər portalı öz mənbələrinə istinadla martın 4-də xəbər verib ki, Rusiya ordusu Suriyada tarixi Palmir şəhərinin yaxınlığında (Homs əyaləti) «daimi hərbi baza» yaratmağa hazırlaşır.
Nəşrin həmsöhbətləri təsdiqləyiblər ki, Rusiya kontingentinin Suriyada yeni hərbi obyekti Mon əl-Məzar (Cəbəl əl-Məzar) rayonunda, təxminən Palmirdən 13 kilometr şimalda ucaldılır.
Bazanın tərkibində helikopter meydançası da olacaq. Bu obyektdə uçuş-eniş zolağı hazırda şərq tərəfdən asfaltlaşdırılıb. Onun uzunluğu 780 metr təşkil edir.
Hazırlanan Rusiya bazasının ümumi sahəsi 37 hektara yaxın təşkil edir. O, Suriya Hərbi-Hava Qüvvələrinin (HHQ) silah anbarına birləşir.
AzPolitika.info
Mənbə: azpolitika.info