13 mart “AzerNyuMedia” şirkətinin təsis olunduğu gündür. 2017-ci ildə altyazıların hazırlanması (audiovizual məhsulların tərcüməsi və altyazılarının hazırlanması) , eyni zamanda səsləndirmə və dublyaj xidməti üzrə ixtisaslaşan xidmət platforması kimi fəaliyyətə başlayan “AzerNyuMedia” qısa vaxt ərzində 400-dən artıq audiovizual məhsulun tərcüməsi, altyazılarının hazırlanması, səsləndirilməsi işlərini həyata keçirib.
2019-cu ilin iyul ayından etibarən şirkət Azərbaycan Respublikası Mədəniyyət Nazirliyi və AVTO FM-in dəstəyilə hər həftənin şənbə və bazar günləri 107.7 fm dalğasında özünün Cinema Radio Kino Radio Kanalını yayımlayır.
Kino Radio Kanal öz məzmununa və formatına görə Azərbaycan radiostansiyaları arasında yeganə layihədir. “AzerNyuMedia” Azərbaycan Kinematoqrafçılar ittifaqının saytında və digər sosial şəbəkə hesablarında yayımlanan və dinləyicilər tərəfindən maraqla qarşılanan podkastlar layihəsinin icraçısıdır. Bu layihə kinematoqraf haqqında peşəkar söhbətləri, diskusiyaları ilə məşhurdur.
Bundan başqa, bu gün “AzerNyuMedia”ın istər altyazı, istərsə də səsləndirmə xidmətinin iştirak etdiyi bir sıra layihələri ölkənin bir sıra nüfuzlu media resurslarında izləmək mümkündür.
“AzerNyuMedia”nın kinematoqrafa yanaşma tərzi də fərqlidir. İlk dəfə olaraq Cinema Radio
Kino Radio Kanalı vasitəsilə kino medianın əsas tərkib hissəsidir ifadəsi işləndi ki, burada da dünya şöhrətli şirkətlərin təcrübəsi əsas götürülmüşdü.
Mənbə: azvision.az
scorpion.az