Ordu.az xəbər verir ki, bu sözləri Çin Xarici İşlər naziri Van İ suriyalı həmkarı Vəlid Muallim ilə keçirdiyi birgə mətbuat konfransından sonra İranı nüvə razılaşması çərçivəsində öhdəlikləri davam etdirməyə çağarkən deyib.

Onun sözlərinə görə, ABŞ özünün təzyiq metodlarını dəyişməlidir və istənilən təktərəfli addımların beynəlxalq hüquqda əsası yoxdur.

“Beynəlxalq Atom Enerjisi Agentliyi İran İslam Respublikasının nüvə müqaviləsi üzrə öhdəliklərinə sadiq qaldığını 15 dəfə təsdiqləyib. Hazırkı vəziyyətdə İranın qərarını çox yaxşı düşünəcəyinə və bu razılaşmanı asanlıqla tərk etməyəcəyinə ümid edirəm”, - deyə Çinin XİN rəhbəri bildirib.

Daha sonra ABŞ-ın Yaxın Şərqə qoşun göndərməsinə münasibət bildirən Van İ bütün tərəfləri təmkinli hərəkət etməyə, bölgədə gərginliyi artıracaq addımlar atmamağa, “Pandora”nın qutusunu açmamağa səsləyib. O, həmçinin qeyd edib ki, ABŞ özünün təzyiq metodlarını dəyişməlidir və istənilən təktərəfli addımların beynəlxalq hüquqda əsası yoxdur.

Sevinc Əliyeva

Mənbə: ordu.az