Suriyada növbəti prezident seçkiləri mayın 26-da keçiriləcək.

Bu barədə “Report” “RİA Novosti”yə istinadən xəbər verir.

Məlumata görə, prezidentliyə namizədlərin irəli sürülməsi aprelin 19-da başlayacaq. Bu barədə Xalq Şurası (parlament) qərar qəbul edib.

"26 may çərşənbə gününün Suriyada olan vətəndaşlar üçün prezident seçkiləri günü olmasına qərar verildi. Suriyanın xaricində olan Suriya vətəndaşları üçün seçkilər mayın 20-də, saat 07:00-dan diplomatik nümayəndəliklərin ərazisində keçiriləcək. Namizədlərin qeydiyyatı 19 aprel bazar ertəsi günü başlayır və on gün davam edəcək", - deyə parlament iclasında açıqlanan qərarda bildirilir.

Qeyd edək ki, Suriyada son prezident seçkiləri 2014-cü ildə keçirilib.

Mənbə: report.az