İspaniyadakı yeni səfirimiz kimdir? - DOSYE

Xəbər verdiyimiz kimi, Ramiz Ayvaz oğlu Həsənov Azərbaycan Respublikası xarici işlər nazirinin müavini vəzifəsindən azad edilib. Prezident İlham Əliyev sərəncamı ilə Ramiz Həsənov Azərbaycan Respublikasının İspaniya Krallığında fövqəladə və səlahiyyətli səfiri təyin olunub. Azvision.az -ın məlumatına görə, R.Həsənov 1961-ci il avqustun 20-də Gürcüstanın Marneuli şəhərində anadan olub. 1983-cü ildə Moskva Dövlət Beynəlxalq Münasibətlər İnstitutunu bitirib. 1984-1990 - SSRİ Xarici Ticarət Nazirliyində çalışıb. 1990-1992- ci illərdə Azərbaycan Respublikasının Nazirlər Kabineti yanında Xarici İqtisadi Əlaqələr Komissiyasında işləyib.

1993-1997-ci illərdə Azərbaycan Respublikasının Xarici İqtisadi Əlaqələr Nazirliyində məsul vəzifələrdə çalışıb. 1997-2004-ci illərdə Azərbaycan Respublikası "Azərkontrakt" Açıq Səhmdar Cəmiyyəti sədrinin 1-ci müavini olub. 2004-2005- ci illərdə Azərbaycan Respublikasının Gürcüstan Respublikasındakı fövqəladə və səlahiyyətli səfiri olub. 2005-2008-ci illərdə Azərbaycan Respublikası Standartlaşdırma, Metrologiya və Patent üzrə Dövlət Agentliyinin baş direktoru, 2008-2018 - ci illərdə isə Azərbaycan Respublikası Standartlaşdırma, Metrologiya və Patent üzrə Dövlət Komitəsinin sədri vəzifəsində çalışıb.

2018-ci ilin may ayından bu günə kimi xarici işlər nazirinin müavini olub. İngilis və rus dillərini bilir. Evlidir, iki övladı var.

 

Azvision.az

ƏVVƏLKİ XƏBƏR

Prezident Ramiz Həsənova yeni vəzifə verdi

SONRAKI XƏBƏR

Hüseyn Hüseynov Azərbaycanın Bolqarıstanda səfiri təyin edilib