Çin başçısı Baydenin təklifini qəbul etdi – Dünya liderləri toplanır

 

Çin dövlət başçısı Si Cinpin ABŞ Prezidenti Co Baydenin dəvəti ilə İqlim Sammitinə qatılacaq.

Teleqraf.com xəbər verir ki, bu barədə Çin Xarici İşlər Nazirliyi məlumat yayıb.

Açıqlamada Cinpinin aprelin 22-də onlayn formatda sammitdə çıxış edəcəyi bildirilib.

Sammitə hazırlıq çərçivəsində ABŞ prezidentinin iqlim məsələləri üzrə nümayəndəsi Con Kerri keçən həftə Çinə 4 günlük səfər etmişdi.

Co Bayden martın 23-də Türkiyə Prezidenti Rəcəb Tayyib Ərdoğan, Çin dövlət başçısı Si Cinpin, Fransa Prezidenti Emmanuel Makron, Almaniya Kansleri Angela Merkel və Rusiya Prezidenti Vladimir Putin də daxil olmaqla 40 dünya liderini 22-23 aprel tarixində keçiriləcək onlayn iqlim zirvəsinə dəvət etmişdi.

 

Teleqraf.com

ƏVVƏLKİ XƏBƏR

Cövhər Dudayev - Telefon danışığının badına getmiş çeçen general

SONRAKI XƏBƏR

Paşinyan "üzr istəyirəm" deyib, daha bir şəhəri TƏRK ETDİ - VİDEO