Ermənistanın Hərbi Qulluqçuların Sığorta Fondunda neçə iş var?

“Hazırkı vəziyyətə əsasən, tərəfimizdən Hərbi Qulluqçuların Sığorta Fonduna 3039 iş göndərilib. Söhbət ölənlərdən gedir. Bizdə olan məlumatlara görə, 2500 qurbanla bağlı təzminat ödəmək haqqında qərar var”. Ordu.az xəbər verir ki, bunu Ermənistan parlamentində 44 günlük müharibə nəticəsində hərbi qulluqçulara dəstək proqramları ətrafında müzakirə zamanı erməni polkovnik Aleksandr Avetisyan deyib.

Onun sözlərinə görə, daha 556 iş itkin düşənlərə aiddir. Bu işlər də fonddadır.

Xatırladaq ki, bir həftə əvvəl Ermənistan parlamentində Nikol Paşinyan mövcud vəziyyətə əsasən ölüm şəhadətnamələri ilə təsdiqlənmiş, kimlikləri müəyyən olmuş 3621 erməni hərbi qulluqçunun olduğunu bildirib.

Alpər Mövludoğlu

 

Ordu.az

ƏVVƏLKİ XƏBƏR

AŞPA-da Navalnı barədə qətnamə qəbul olunub

SONRAKI XƏBƏR

“Samsung” şirkəti köhnə smartfonları “ağıllı” ev qurğularına çevirəcək