Erməni vəkil Yervand Varosyan “Facebook” səhifəsində qeyd yazıb və Ermənistan Silahlı Qüvvələrinin keçmiş Baş Qərargah rəisi Movses Hakobyana qarşı irəli sürülmüş ittihama toxunub. O qeyd edib ki, Movses Hakobyana qarşı irəli sürülümüş ittiham onun bildirdiyi məlumatların reallığa uyğun gəldiyi deməkdir.

“Bəli, uduzulmuş müharibənin başa çatmasından sonra onun dediklərini dövlət sirri hesab etmək gülməlidir. Lakin ən vacibi odur ki, onun dediklərinin real olduğunu qəbul edirsinizsə, ilk növbədə özünü ali-baş elan edən müvəqqəti əvəzediciniz daha ağır maddələrlə müttəhim statusuna sahib olmalı idi”, - deyə o yazıb.

Xatırladaq ki, Movses Hakobyan mayın 3-də Ermənistan Milli Təhlükəsizlik Xidmətində dindirilib, ona qarşı ittiham irəli sürülüb.

Alpər Mövludoğlu
Ordu.az

Mənbə: ordu.az