Tacikistanla sərhəddə baş verənlərdən sonra istefaya göndərildi

Qırğızıstanın Baş naziri Uluqbəy Maripov Tacikistanla sərhəddə yerləşən Batken vilayətinin rəhbəri Omurbəy Suvanaliyevi vəzifəsindən azad edib.

“Qafqazinfo” “İnterfaks”a istinadən xəbər verir ki, Baş nazir həmçinin, müşaviri Arzıbəy Burkanovu da işdən çıxarıb.

Qeyd edək ki, Suvanaliyev Batken vilayətinə fevralın 15-də rəhbər təyin olunmuşdu.

Xatırladaq ki, aprelin 28-də Qırğızıstan-Tacikistan sərhədində əvvəlcə yerli sakinlər arasında qarşıdurma baş verib, daha sonra isə bu, silahlı münaqişəyə çevrilib. Sərhəddə baş verənlər nəticəsində ölənlərin sayının 31 nəfərə çatdığı, 154 yaralı olduğu bildirilirdi.

Qafqazinfo.az

ƏVVƏLKİ XƏBƏR

Əfqanıstanda həkimləri daşıyan avtobus partladılıb, ölən və yaralananlar var

SONRAKI XƏBƏR

Xameneyini istefaya çağıran rejissorun həyatı təhlükədədir