Gürcüstan M4 avtomatlarının istehsalına başlayır

Cari ilin sonunadək Gürcüstanda ABŞ mənşəli M4 avtomatlarının istehsalına başlanacaq.

APA-nın yerli bürosu xəbər verir ki, bu barədə Gürcüstan parlamentinin “nazir saatı” formatında çıxış edən müdafiə naziri Cuanşer Burçuladze məlumat verib.

Onun sözlərinə görə, istehsalı həyata keçirəcək Gürcüstan-İsrail birgə təşəbbüsü olan müəssisə ilin sonunadək fəaliyyətə başlayacaq.

Nazir qeyd edib ki, cari ilin fevralında Gürcüstan ordusu ABŞ-ın dəstəyi ilə yeni tipli avtomatlar və qumbaraatanlar qəbul edib. Bildirib ki, silahlı qüvvələrin M2 iriçaplı pulemyotla və MK19 tipli qumbaraatanla təmin edilməsi istiqamətində işlər davam etdirilir.

Sherg.az

ƏVVƏLKİ XƏBƏR

Futbolçular Kumanın iş metodlarından narazıdırlar

SONRAKI XƏBƏR

“Gələcəkdə ermənilər İsrailin gücündən bizə qarşı faydalanmaq istəyəcəklər”