Erməni ekspert: “Türkiyə regionda özünün genişləndirmə siyasətinin yeni səhifəsinin başladığını göstərir”

Erməni ekspert: “Türkiyə regionda özünün genişləndirmə siyasətinin yeni səhifəsinin başladığını göstərir”

“Şuşa Bəyannaməsi sənədində üç mesaj görürəm”. Ordu.az xəbər verir ki, bunu erməni ekspert, Ermənistan Milli Elmlər Akademiyasının akademiki Ruben Safrastyan deyib.

“Birincisi, bu mesaj erməni xalqına ünvanlanmışdı və bununla göstərirlər ki, baxın, biz qalib gəlmişik və sizin üzərinizə təzyiqlərimizi davam etdirəcəyik. İkinci mesaj regiona ünvanlanıb, Türkiyə-Azərbaycan tandemi geosiyasi vahid olaraq göstərir ki, Cənubi Qafqazda yeni mərhələ başlayır, bu, Türkiyənin hakimliyi mərhələsidir. Təsadüfi deyil ki, Cənubi Qafqaz tarixini yenidən yazmalı, toxumalı olduqlarına dair bəyanat verildi. Türkiyə güc vasitəsilə regionda özünün genişləndirmə siyasətinin yeni səhifəsinin başladığını göstərir. Lakin unutmayaq ki, Türkiyənin təsirinin güclənməsi Rusiyanın təsirinin zəifləməsi hesabına mümkündür”, - deyə o qeyd edib.
 

 

Mənbə: ordu.az