Bakılı əfsanəvi kəşfiyyatçının Yaponiyadakı məzarı ziyarət olunub - FOTO

Böyük Vətən müharibəsinin başlanmasının 80 ildönümündə Rusiyanın Yaponiyadakı səfiri Mixail Galuzin, həmçinin Azərbaycan, Ermənistan, Belarus, Qazaxıstan, Qırğızıstan, Tacikistan və Türkmənistanın Yaponiyadakı diplomatik nümayəndəliklərinin rəhbərləri və müvəqqəti işlər vəkilləri Tokio ətrafındakı Tama qəbiristanlığında dəfn edilən əfsanəvi kəşfiyyatçı Rixard Zorgenin məzarını ziyarət edib, önünə gül dəstələri qoyublar.

“RİA Novosti”nin məlumatına görə, bu barədə Rusiya Federasiyasının Yaponiyadakı səfirliyi məlumat verib.

Diplomatlar Böyük Vətən müharibəsində həlak olanların xatirəsini bir dəqiqəlik sükutla yad ediblər.

Qeyd edək ki, əfsanəvi kəşfiyyatçı Rixard Zorge 1895-ci il oktyabrın 4-də Bakıda anadan olub və 1944-cü il noyabrın 7-də Tokioda vəfat edib. Sovet Baş Kəşfiyyat İdarəsinin əməkdaşı İkinci Dünya müharibəsindən əvvəl, həmçinin savaş illərində Almaniya və Yaponiyada jurnalist adıyla casus kimi fəaliyyət göstərib. SSRİ qarşısında xidmətlərinə görə Zorge ölümündən sonra 1964-cü ildə Sovet İttifaqı Qəhrəmanı adına layiq görülüb.

Oxu.az

ƏVVƏLKİ XƏBƏR

Rayonlararası yeni su bölgüsü qrafikləri hazırlanıb və icrasına başlanılıb

SONRAKI XƏBƏR

Dənizdə itkin düşmüş 20 yaşlı gəncin meyiti tapıldı