XİN başçısı: “Gürcüstan Avropa İttifaqının bölgədə daha fəal iştirakına ümid edir”

XİN başçısı: “Gürcüstan Avropa İttifaqının bölgədə daha fəal iştirakına ümid edir”

“Gürcüstan Avropa İttifaqının bölgədə sülh və təhlükəsizliyin təmin olunmasında daha fəal iştirakına ümid edir”.

“Report”un yerli bürosu xəbər verir ki, bunu ölkənin xarici işlər naziri David Zalkaliani deyib.

Onun sözlərinə görə, Rusiya-Gürcüstan münaqişəsinin sülh yolu ilə həlli məsələsi Avropanın gündəliyinə fəal şəkildə daxil edilməlidir.

D.Zalkaliani bildirib ki, Avstriya, Litva və Rumıniya xarici işlər nazirlərinin Gürcüstan, Azərbaycan və Ermənistana səfərləri Aİ-nin bölgədəki münaqişələrin sülh yolu ilə həllində iştirakı ilə bağlı öhdəliyinin aydın göstəricisidir: “Ümid edirəm ki, bu səfərlər Avropa İttifaqının Rusiya-Gürcüstan münaqişəsinin dinc yolla həllində siyasi rolunu artıracaq”.

Mənbə: report.az