Sərhəddə ermənilər təlaşda: Kəndlər boşaldılır

Ermənilərin Azərbaycanla sərhəddə törətdiyi təxribatlar özlərinə baha başa gəlir.

Axar.az Manset.az-a istinadən xəbər verir ki, Kəlbəcər-Göyçə sərhədində dünəndən başlayan gərginlik bölgədə yaşayan ermənilər arasında böyük təlaş yaradıb.

Kəlbəcərlə sərhəddə yerləşən erməni kəndlərinin sakinləri bu gecə kəndləri tərk edərək Basarkeçər rayonunun mərkəzinə və ya Ermənistanın başqa rayonlarına yollanıblar.

Yerli sakinlərin mediaya bildirdiyinə görə, əsasən, qadınlar, qocalar və uşaqlar bölgədən təhlükəsiz yerlərə çıxarılıb.

"Elə yerlər var ki, kənd tamamilə boşaldı bir gecədə. Çünki, silah səsləri evimizin içində eşidilir. Azərbaycan hərbçilərinin əks hücumu qəfil başladı. Sanki, ildırım çaxırdı. Belə bir şəraitdə bu kəndlərdə yaşamaq və təsərrüfatla məşğul olmaq mümkünsüz görünür”, - deyə kənd sakini bildirir.

Qeyd edək ki, ötən gün ermənilərin Kəlbəcər istiqamətində təxribatı nəticəsində Azərbaycan Ordusunun əsgəri Fərman Yaqublu şəhid olub. Bunun ardınca Ordumuz düşməni susdurma əməliyyatına başlayıb.

Axar.az

ƏVVƏLKİ XƏBƏR

Hacıqabulda 28 yaşlı gənc intihara cəhd edib

SONRAKI XƏBƏR

Binəqədidə yeni kanalizasiya sistemi - VİDEO