Britaniyanın Baş naziri Boris Conson Staffordşir qraflığında həlak olan polislərin xatirəsinə keçirilən mərasimdə insanları güldürüb. Məsələ burasındadır ki, Kabinet rəhbəri uzun müddət çətirlə bacarmayıb, sonda isə çətir tərsinə açılıb.

Bu barədə “RİA Novosti” görüntülər paylaşıb.

Kadrlarda ətrafdakıların gülüşünə səbəb olan hadisəyə şahzadə Çarlzın da emosiyalarını saxlaya bilmədiyi görünür.

Qeyd edək ki, bu, Baş nazirin çətirlə ilk “macərası” deyil. Bundan əvvəl tədbirlərin birində hökumət başçısı çətirini elə tutmuşdu ki, tamamilə islanmışdı.

Mənbə: www.oxu.az