"Erməni separatçılarına zaman tanımaq olmaz"

Kəndləri işğal altında qalan soydaşlarımız Qarabağda hara köçürüləcəklər? Bu mövzuda müzakirələrə və aydınlaşmaya ehtiyac var. Şuşa rayonunun işğal altında qalan Malıbəyli, eləcə də Yuxarı və Aşağı Quşçular kəndlərinin sakinləri üçün hansı variantlar mümkündür?

Birinci variant odur ki, onlar bərpa işlərindən sonra Şuşa şəhərinin özünə köçürülür.

İkinci variant odur ki, onlar Şuşanın işğaldan azad olunan Daşaltı kəndinə və ya azad olunan Hadrut rayonuna köçürülürlər.

Üçüncü variant isə odur ki, ordumuz yaxın gələcəkdə anti-terror əməliyyatlarını davam etdirərək Malıbəyli, Yuxarı və Aşağı Quşçular kəndlərini, o cümlədən Xocalı rayonunun tamamını azad edərək soydaşlarımızı doğma yurdlarına qaytarırlar.

Şəxsən mən üçüncü varianta üstünlük verirəm, yəni Xocalıya və Şuşanın bütün kəndlərinə qayıtmalıyıq. Çünki işğal altındakı kənd sakinlərinin başqa yerlərə köçürülməsi o demək olacaq ki, kəndlərimizin işğalı ilə barışmışıq. Erməni separatçılarına zaman tanımaq olmaz.

 

Elxan Şahinoğlu

Pravda.az

ƏVVƏLKİ XƏBƏR

Ukraynalı hücumçu "Benfika" ilə müqavilə bağlayıb

SONRAKI XƏBƏR

Azərbaycan idmançıları Tokioda Rio-2016-nın rekordlarını qəti yeniləyə bilmədi - idmanımızda tənəzzül...