“Azərbaycan Sovet sərhədlərini tanımır” - Paşinyan müxalifətin arqumentlərini öyrənəcəyinə söz verdi

Ermənistanın baş naziri Nikol Paşinyan parlamentdə müxalif deputat Artur Xaçatryanın sualını cavablandırarkən bildirib ki, ekspertlər Azərbaycanın Sovet sərhədlərini tanımaması məsələsini öyrənəcəklər.

Bizim.Media xəbər verir ki, bu haqda informasiyanı “armeniasputnik.am” saytı yayıb.

"Hayastan" blokundan olan deputat Artur Xaçatryan 1991-ci ildə Azərbaycan Respublikasının dövlət müstəqilliyinin bərpası haqqında Konstitusiya Aktına istinad edib.


"30 dekabr 1922-ci il tarixli SSRİ-nin qurulması haqqında müqavilə Azərbaycanla əlaqəli hissədə imzalandığı andan etibarən etibarsızdır. Keçmiş SSRİ-nin tərkibində olan suveren dövlətlərlə münasibətlərin bütün sonrakı problemləri müqavilələr və razılaşmalar əsasında həll olunmalıdır”, deyə deputat Qanunun 3 -cü maddəsini xatırladıb.

Xaçatryan çaşqınlıqla ifadə edib ki, tərəflər sərhədləri müəyyən edərkən Ermənistanın inzibati bölgüsü haqqında qanunu rəhbər tuturlar.

Paşinyan cavab olaraq bildirib ki, Ermənistan hakimiyyəti əvvəllər Azərbaycanla sərhədin delimitasiyası və demarkasiyasına hazır olduqlarını və şərtlərini bildirmişdi.

Xaçatryanın bəyanatına gəlincə, ekspertlər təqdim olunan hüquqi arqumentləri öyrənirlər.

Paşinyan "Sizin çıxışınız bir daha diqqətlə dinləniləcək. Əgər burada nəzərə almalı olduğumuz əlavə faktlar və ya arqumentlər varsa, bunu edəcəyik" deyib.


Bu tanınmış faktı niyə əvvəllər "mütəxəssislər"in istifadə etmədiyini Paşinyan açıqlamayıb.

Paşinyan 2010-cu ildə Şurnuxu və Şahverdilər kəndlərinin inzibati sərhədlərinin Ermənistan-Azərbaycan sərhədinin konturlarına uyğun gəldiyini bildirən inzibati bölgü haqqında qanunu yenidən xatırladıb.
 

Bizim.media

ƏVVƏLKİ XƏBƏR

"İnter" onunla müqaviləni yeniləyir

SONRAKI XƏBƏR

Paşinyan Azərbaycan kəndlərinin adlarını çəkməsinin səbəbini AÇIQLADI