"2021-2022-ci tədris ili üzrə MİQ-dən Azərbaycan bölməsi üzrə 9, rus bölməsi üzrə isə 1 fənnin vakansiyaları 100% dolub”.
Bunu İnsan Resursları Mərkəzinin rəhbəri Nurlan İsmayılbəyli Təhsil Nazirliyinin "Media və Təhsil dialoqu” təlimində deyib.
O, qeyd edib ki, Azərbaycan bölməsi üzrə Təsviri İncəsənət və Rus bölməsi üzrə Texnologiya fənlərinin vakansiyaları demək olar ki, boş qalıb.
"Həmçinin, kimya fənni hər iki bölmə üzrə tam dolmayıb. Musiqi, informatika kimi fənlərdə də vakansiya üzrə boşluqlar qeydə alınıb”.

Mənbə: aztehsil.com