ABŞ İranla nüvə sazişi ilə bağlı danışıqları davam etdirməyə hazırdır - Ağ Ev

Bakı. Trend:

Vaşinqton administrasiyası İranla nüvə sazişi ilə bağlı məsləhətləşmələri davam etdirməyə hazırdır.

Trend-in məlumatına görə, bunu mətbuat konfransı zamanı Ağ Evin mətbuat katibi Cen Psaki deyib.

C.Psaki bildirib: "Diplomatik əlaqələr üçün qapı açıq olaraq qalır. Nümayəndə heyətimiz hər zaman vurğulayıb ki, ən yaxşı yol dialoqa sadiq qalmaq, məsləhətləşmələr aparmaq və danışıqlara qayıda biləcəyimizi görməkdir. Hazırda bunun nə vaxt olacağı ilə bağlı bir məlumatım yoxdur".

İran Prezidenti İbrahim Raisinin bəyanatını şərh edən mətbuat katibi qeyd edib ki, onların öz siyasəti var: "Buna əlavə edəcək bir şeyim yoxdur".

Xatırladaq ki, daha əvvəl İran prezidenti İbrahim Rəisi Tehranın nüvə proqramı üzrə danışıqların sanksiyaların ləğvinə gətirib çıxaracağına ümid etdiyini bildirmişdi.

Trend.az

ƏVVƏLKİ XƏBƏR

“Yeni “soyuq müharibə” istəmirik” - Bayden

SONRAKI XƏBƏR

Haitidə donuz vəbası yayılıb