Şuşa, 22 sentyabr, Aydın Yavərzadə, AZƏRTAC
Azərbaycana gələn bir qrup gürcüstanlı media nümayəndəsi və bloggerlər işğaldan azad olunan Şuşada səfərdədirlər.
AZƏRTAC-ın bölgə müxbiri xəbər verir ki, səfərin məqsədi 30 ilə yaxın müddətdə ermənilər tərəfindən işğal altında saxlanılan Azərbaycan torpaqlarında, o cümlədən Şuşada düşmən tərəfindən törədilən vəhşiliklər, tarixi və dini abidələrin dağıdılması barədə xarici jurnalistləri məlumatlandırmaqdır. Həmçinin işğaldan sonra burada həyata keçirilən tikinti-qurucluq işləri ilə tanışlıq da nəzərdə tutulur.
Qeyd edək ki, ötən gün gürcüstanlı qonaqlar Cəbrayıl və Füzuli rayonlarında olub, erməni vəhşiliklərindən geriyə qalan dağıntılara şahidlik ediblər.
Mənbə: azertag.az