Fərid Şəfiyev: "Türkiyə və İran araşdırma mərkəzləri ilə üçtərəfli formatda görüşlər keçirəcəyik"

"Türkiyə və İran araşdırma mərkəzləri Bakıya gəliblər və biz üçtərəfli formatda görüşlər keçirəcəyik".

"Report"un xəbərinə görə, bunu Beynəlxalq Münasibətlərin Təhlili Mərkəzinin İdarə Heyətinin sədri Fərid Şəfiyev jurnalistlərə açıqlamasında deyib.

F.Şəfiyev bildirib ki, araşdırma mərkəzləri Azərbaycana Beynəlxalq Münasibətlərin Təhlili Mərkəzinin dəvəti ilə gəliblər: "Bu görüş çoxdan planlaşıdırılırdı, ancaq pandemiya səbəbində təxirə salınırdı. Biz İran və Azərbaycan arasında müəyyən gərginliyi hiss edirik. Üçlü formatda olan görüş bir növ bunun üçün planlaşdırılıb. Bu gün əsas məqsəsdimiz İkinci Qarabağ müharibəsindən sonra yaranmış yeni geosiyasi vəziyyəti, regionda yeni potensial və digər layihələri müzakirə etməkdir. O cümlədən nəqliyyat və digər layihələr".

Mərkəzin sədri Vətən müharibəsindən sonrakı vəziyyət barədə danışıb: "Gündəlikdə sülh sazişi var, Ermənistan isə buna qeyri-konstruktiv yanaşır. Türkiyə və Azərbaycan rəhbərləri tərəfindən 3+3 formatı təklif olunur. Çox güman ki, 6 ölkənin yaxın zamanda bir araya gəlməsi çətin məsələdir. Ona görə də biz düşündük ki, müxtəlif üçlük, dördlük formatları çərçivəsində bir araya gələk".

Report.az

ƏVVƏLKİ XƏBƏR

Haqqı Uyğur: "Türkiyə, Azərbaycan və İran mədəni və siyasi cəhətdən yaxın ölkələrdir"

SONRAKI XƏBƏR

"Barselona" prezidentindən azarkeşlərə müraciət