İranın Ermənistandakı səfirliyindən Gorus-Qafan yolu ilə bağlı yeni AÇIQLAMA

İranın Ermənistandakı səfirliyinin "Armenpress"in sorğusuna cavabında deyilir ki, Gorus-Qafan avtomobil yolu boyunca hərəkət alternativ marşrut qurulana qədər davam etdirilməlidir.

Bizim.Media xəbər verir ki, bu haqda informasiyanı “armeniasputnik.am” saytı yayıb.

İran səfirliyi bildirib ki, Ermənistan rəsmilərinin izahları Tatevdən keçən dövlətlərarası yolun alternativ qolunun sürətli inkişafına böyük ümidlər yaradır.


"İran ümid edir ki, yaxın gələcəkdə təhlükəsiz infrastruktura malik bir yolun açılışını görəcəyik. Eyni zamanda, İran tərəfi alternativ yolun istismarı başlamazdan əvvəl mövcud marşrutun hər zamanki kimi fəaliyyət göstərəcəyini gözləyir", - bəyanatda deyilir.

Son aylarda səfirlik Ermənistan Respublikasının müvafiq orqanları ilə məsləhətləşərək Gorus-Qafan yolunun xüsusi vəziyyətini, istismar perspektivlərini, sərnişin və malların tranziti ilə bağlı müxtəlif aspektləri qiymətləndirməyə çalışıb.

Xatırladaq ki, İran hakimiyyəti mövzu ilə bağlı Azərbaycan rəsmiləri ilə də əlaqə saxlayır.
 

Bizim.media

ƏVVƏLKİ XƏBƏR

1 illik evlilik 5 dəqiqədə bitdi

SONRAKI XƏBƏR

"Sadəcə mənə səslənməyiniz yetərlidir"